लंडन

आम्हाला विचारणा झाल्‍यास तालिबान आणि नाटोमध्‍ये मध्यस्थता करण्‍यास आम्ही तयार असल्‍याचे पाकिस्तान स्‍पष्‍ट केले आहे. अफगाणिस्तानात पुढील धोरणा संदर्भात आयोजित एका आंतरराष्ट्रीय संमेलनात सहभागी होण्यासाठी आलेले परराष्‍ट्र मंत्री शाह महमूद कुरैशी यांनी हा प्रस्‍ताव ठेवला असून त्‍यांच्‍या प्रस्‍तावानंतर पाकचे तालिबानशी संबंध असल्‍याच्‍या वृत्तास दुजोरा मिळाला आहे.
कुरैशी म्हणाले, की अफगाणिस्तानात शांतता आणि पुनर्निर्माणासाठी प्रयत्न करायचे झाल्‍यास त्‍यासाठी पाकिस्तान सर्वांत चांगला पर्याय ठरणार असून दोन्‍ही देशांची भाषा, समाज आणि धर्म सारखा आहे. तर दोघांचा इतिहास, संस्कृती आणि परंपरेतही साम्‍य आहे. त्‍यामुळे तालिबानशी चर्चा करण्‍यास पाकिस्‍तानला मध्‍यस्‍थता करणे आवडेल. मात्र त्यासाठी आम्हाला विचारणा केली जाणे आवश्‍यक आहे.अफगाण आणि पाक सीमेवरील कबायली भागात पाकिस्‍तानी सैन्‍य आणि आयएसआयचे सक्रीय तालिबानींशी संबंध असल्‍याच्‍या वृत्तांदरम्यानच कुरैशी यांचा मध्‍यस्‍थतेचा प्रस्‍ताव आला आहे.