नवी दिल्ली

मुंबई हल्‍ल्‍याचा प्रमुख षड्यंत्रकर्ता आणि जमात-उद-दावा प्रमुख हाफिज सईदच्‍या भूमिके संदर्भात भारताने पाकिस्तानकडे अनेकदा पुरावे सोपवूनही पाकने ते पुरेस नसल्‍याचे कारण पुढे करत आणखी पुराव्‍यांची मागणी केली आहे.
पाकिस्तानी पंतप्रधान युसूफ रजा गिलानी यांनी एका वृत्तवाहिनीशी बोलताना सांगितले, की 'मुंबई हल्‍ल्‍यात सईदच्‍या भूमिके संदर्भात आम्हाला आणखी पुराव्‍यांची आवश्‍यकता आहे. भारताने याबाबत दिलेले पुरावे अपूर्ण असून सईदवर कारवाईसाठी ते पुरेसे नाहीत. सईद संदर्भात भारताने पाककडे आतापर्यंत किमान तीन ते चार वेळा पुरावे दिले आहेत.