चित्तौडगढ

राजस्थानातील चितौडगढमध्‍ये जिल्‍हा तुरूंगातून गुरुवारी सकाळी 23 कैदी फरार झाले आहेत. पोलीस अधीक्षक (चितौडगढ) डॉ. गिरराज मीणा यांनी दिलेल्‍या माहितीनुसार सकाळी 6.45 च्‍या सुमारास तुरुंग परिसरातून 23 कैदी फरार झाले.

त्‍यांनी सांगितले, की सकाळी तुरुंगातील पहारेक-यांनी रसद पुरवणा-या ट्रकला परिसरात प्रवेश देण्‍यासाठी तुरुंगाचा मुख्‍य दरवाजा उघडला. त्‍यानंतर 23 कैद्यांनी पहारेक-यांना धक्का देऊन पळ काढला.
डॉ. मीणा यांनी दिलेल्‍या माहितीनुसार तुरुंग प्रशासनाने पोलिसांना माहिती दिल्‍यानंतर जिल्‍ह्याची नाकेबंदी करण्‍यात आली असून फरार कैद्यांचा शोध सुरू आहे.आतापर्यंत कुणासही अटक करण्‍यात आलेली नाही.