पुणे

पुणे स्‍फोट प्रकरणी पोलीस आणि एटीएसने आतापर्यंत 12 लोकांना ताब्यात घेण्‍यात आल्‍याची माहिती विश्‍वसनीय सुत्रांनी दिली आहे. दहशतवाद्यांनी रिमोट कंट्रोलच्‍या साह्याने हा स्‍फोट घडविला असण्‍याची शक्यता आहे.


या संदर्भात पुणे पोलिसांनी दिलेल्‍या माहितीनुसार आतापर्यंत सुमारे 12 जणांना ताब्यात घेण्‍यात आले आहे. यापूर्वी ताब्यात घेण्‍यात आलेल्‍या चार जणां व्‍यतिरिक्‍त आणखी चौघांना कर्नाटकातील हम्पी शहरातून तर चार जणांना औरंगाबादमधून ताब्यात घेण्‍यात आले आहे. या लोकांचा संबंध इंडियन मुजाहिदीनच्‍या सदर्न ब्रिगेडशी असल्‍याचे सांगण्‍यात आले आहे. त्‍यापैकी काही जणांचे संबंध मोहसिन यांच्‍या सोबतही आहे.
तर घटनास्थळावरून मोबाइलचे तुकडे सापडल्‍यानंतर स्‍फोटात रिमोट कंट्रोलचा वापर करण्‍याची शक्यता वर्तविली जात आहे. तर सुरक्षा यंत्रणा आणखी 30 जणांची चौकशी करत आहे.