हैदराबाद

आंध्र प्रदेशाचे विभाजन करून तेलंगाणा स्वतंत्र राज्य करण्यासंदर्भात केंद्र सरकारने नेलेली समिती हा विश्वासघात असल्याची संभावना तेलंगाणा राष्ट्र समितीचे (टिआरएस) अध्यक्ष के. चंद्रशेखर राव यांनी केली आहे. या विश्वासघाताच्या निषेधार्थ पक्षाच्या खासदार, आमदारांनी राजीनामे द्यावेत असे त्यांनी आदेश दिले आहेत.

केंद्राने पुन्हा एकदा आमच्याशी कपट केले अशी समितीची भावना आहे. तेलंगाणासंदर्भात केंद्राने नेमलेल्या न्या. श्रीकृष्ण समितीशी चर्चा करण्यासाठी राव यांनी आपत्कालीन बैठक बोलवली आहे. त्यात पुढे काय करायचे ते ठरविले जाणार आहे. कॉंग्रेसचे आमदारही आज श्रीकृष्ण समितीच्या अनुषंगाने बैठक घेणार आहेत.