नवी दिल्‍ली

इंडियन प्रिमीअर लीगच्या (आयपीएल) किंग्ज इलेव्हन पंजाब संघामध्ये भागीदारी असल्याचा वृत्ताचा दुचाकी वाहनाचे उत्पादन करणारी कंपनी हीरो ‍होंडाने इन्कार केले आहे. यासंदर्भात प्रसिद्धी झालेल्या वृत्तात काही तथ्य नसल्याचे हीरो होंडाने निवेदनाद्वारे जाहीर केले आहे.

आयपीएल किंग्ज इलेव्हन पंजाबच्या संघात हीरो होंडाने भागीदार केल्याचे वृत्त प्रसिद्ध झाले. किंग्ज इलेव्हनची मालकी अभिनेत्री प्रीती झिंटा आणि उद्योगपती नेस वाडीया यांच्याकडे आहे. त्यांनी ती हीरो होंडाला विकल्याचे वृत्त माध्यमांनी दिले. यावर हीरो होंडाने तातडीने खुलासा केला. त्यात म्हटले आहे की, हीरो होंडाने किंग्ज इलेव्हन घेतल्याचे वृत्त चुकीचे आहे. आमची यासंदर्भात काहीही चर्चा झाली नाही. दिल्ली डेअरडेविल्स संघाचे आम्ही सहप्रायोजक असून ते यापुढेही कायम राहणार आहोत.