शरीफ यांच्या घराजवळ आत्मघाती हल्ला, 10 ठार
Posted on Monday, March 08, 2010 by maaybhumi desk
पाकिस्तानच्या लाहोर शहरातील फेडरल इन्व्हेस्टीगेशन एजन्सीच्या (एफआयए) इमारतीला सफोटकांनी भरलेली एक गाडी धडकवून झालेल्या आत्मघाती हल्ल्यात किमान 10 जण ठार झाले असून सुमारे 36 जण जखमी झाले आहेत. जखमींपैकी अनेक जणांची प्रकृती गंभीर असल्याने मृतांची संख्या वाढण्याची शक्यता आहे.
स्फोट झालेली इमारत पाकचे माजी पंतप्रधान नवाज शरीफ यांच्या घरापासून जवळच असल्याने शरीफ यांच्या घराभोवती त्वरित सुरक्षा कवच उभारण्यात आले आहे.
पाकिस्तानच्या अनेक भागामध्ये गेल्या काही दिवसांपासून सातत्याने दहशतवादी हल्ले होत आहेत. काही दिवसांपूर्वीच पाकच्या वायव्य सरहद्द प्रांतातील हांगू जिल्ह्यात झालेल्या दहशतवादी हल्ल्यात 12 जण मारले गेले होते.
तर गेल्या वर्षी डिसेंबरमध्ये पंजाबच्या मुलतान शहरातील मुख्य सुरक्षा केंद्राबाहेरील एका कार्यालयावर झालेल्या हल्ल्यात 12 जण मारले गेले होते. यापूर्वी नोव्हेंबरमध्येही एका सुरक्षा चौकीवर करण्यात आलेल्या हल्ल्यात किमान 17 जण ठार झाले होते.
Subscribe to:
Post Comments (Atom)
No Response to "शरीफ यांच्या घराजवळ आत्मघाती हल्ला, 10 ठार"
Post a Comment