गयाना

टी-20 वर्ल्ड कपच्‍या पहिल्‍या सामन्‍यात न्यूजीलँडने श्रीलंकेचा दोन गडी राखून पराभव केला. शेवटच्‍या चेंडुपर्यंत उत्सुकता ताणून धरलेल्‍या या सामन्‍यात किवी संघाने एक चेंडु शिल्‍लक असताना विजय मिळवला.

येथील प्रोव्‍हीडन्‍स स्टेडियमवर झालेल्‍या सामन्‍यात विजयासाठी 136 धावांच्‍या आव्‍हानाचा पाठलाग करीत असलेल्‍या  न्यूजीलँडच्‍या संघाला ब्रँडन मॅक्लमच्‍या रूपात पहिला धक्का बसला. त्‍यावेळी संघाने आपले खातेही उघडले नव्‍हते.


मात्र नंतर जेसी राइडरने धमाकेदार 42 धावांची खेळी करून सामना रंगात आणला. मोठा भाऊ ब्रँडन मॅक्लम शून्‍यावर बाद झाल्‍यानंतर लहान भाऊ नाथन मॅक्लमने संघाच्‍या विजयाची धुरा वाहत शेवटच्‍या षटकात न्यूजीलँडला विजय मिळवून दिला. विजयासाठी किवींना शेवटच्‍या शटकात लसिथ मलिंगाच्‍या चेंडुवर दहा धावा काढायच्या होत्या. नाथन मॅक्लमने हे आव्‍हान लिलया पेलत 6 चेंडुत 16 धावा केल्‍या.

तत्‍पूर्वी, तगडया खेळाडुंचा समावेश असलेल्‍या श्रीलंकेने 20 षटकात सहा गडी गमावून 135 धावा केल्‍या. महेला
जयवर्धनेने 51 चेंडुत 81 धावांची धमाकेदार खेळी केली. नाथनला सामनावीर पुरस्‍काराने गौरविण्‍यात आले.