चटगाव

टीम इंडिया बांगलादेशविरुध्द मीरपूर येथे शेरे बांगला स्टेडियमवर 24 ते 28 जानेवारी दरम्यान होणार्‍या दुसर्‍या व अंतिम कसोटी सामन्यासाठी गुरूवारी ढाकासाठी रवाना झाली.

भारतीय संघाचे प्रशिक्षक गॅरी कर्स्टन यांच्या नेतृत्त्वात भारतीय क्रिकेट संघ आपल्या सहयोगी स्टाफसह भारतीय वेळेनुसार गुरूवारी रात्री यूनाईटेड एअरवेजने रवाना झाला.

टीम इंडियाने पहिला कसोटी सामना 113 धावांनी जिंकून दोन सामन्यांच्या मालिकेत 1.0 अशी आघाडी घेतली आहे. सलामीचा फलंदाज व्हीव्हीएस लक्ष्मण दुसर्‍या कसोटी  सामन्यात दिसणार नाही. त्याच्या हाताला दुखापत झाली आहे. त्यामुळे तो मायदेशी परतणार आहे.