तुरुंगवास
श्रीलंकेतील तमील बंडखोरांसाठी विमानभेदी क्षेपणास्त्र आणि इतर सैन्य उपकरणे खरेदीच्‍या योजनेत सहभागी असल्‍याचे सिध्‍द झाल्‍याने अमेरिकेत दोन कॅनडीयन नागरिकांना 26 व 14 वर्षाच्‍या तुरुंगवासाची शिक्षा सुनावण्‍यात आली आहे.

सतक्षान सरचन्द्रन (30) आणि नादरास योगरासा (55) यांनी जमीनीवरून हवेवर मारा करणा-या क्षेपणास्त्र, मिसाइल लॉंचर आणि शेकडोंच्‍या संख्‍येने एके-47 खरेदी करण्‍याचा प्रयत्न केला होता. या शस्‍त्रांचा वापर श्रीलंकन सैन्‍या विरोधात केला जात असे.

सरचन्द्रन आणि योगरासा यांना जानेवारी 2009 मध्‍ये दोषी ठरविण्‍यात आले होते. त्यानुसार न्यूयॉर्कच्‍या जिल्‍हा न्‍यायालयाने सरचन्द्रनला 26 तर योगरासा यास 14 वर्षांच्‍या तुरुंगवासाची शिक्षा सुनावली आहे.