आशुतोष गोवारीकर आता पुन्हा एकदा ऐतिहासिक चित्रपट घेऊन प्रेक्षकांसमोर येत आहे. 'खेले हम जी जान से' नावाने बनणार्‍या या चित्रपटात अभिषेक बच्चन एका स्वातंत्र्ययोद्ध्‌याच्या भूमिकेत दिसणार आहे. १९३० साली झालेल्या चितगाँग बंडावर मानिनी चटर्जी यांनी लिहिलेल्या डू एंड डाय कादंबरीवर आधारित या चित्रपटाची निर्मिती आशुतोष गोवारीकर आणि पीवीआर पिक्चर्स करीत आहेत.

ऐतिहासिक चित्रपटांसाठी सेट बनवण्यात हातखंडा असणारे चंद्रकांत देसाई यांनीच या चित्रपटासाठी सेट डिजाइन केले आहे. आशुतोषने यापूर्वी जोधा अकबरसारखा भव्य दिव्य ऐतिहासिक चित्रपट दिला होता. या चित्रपटात अभिषेकची नायिका आहे दीपिका पदुकोण.