इस्लामाबाद
अमेरिकेच्या ड्रोन हल्ल्यात पाकिस्तानी तालिबानचा प्रमुख हकिमुल्लाह मसूद मारला गेल्याचे संघटनेतर्फे मान्य करण्यात आले.

हकिमुल्लाह १४ जानेवारीला उत्तर वझिरीस्तानातील शाकतोय भागात अमेरिकी ड्रोन हल्ल्यात जखमी झाला होता. त्यातच नंतर त्याचा मृत्यू झाल्याचे औरक्झाई प्रांतातील तालिबानच्या सुत्रांनी सांगितले.
मसूदचा मृत्यू पंजाब प्रांतातील मुल्तान शहराजवळ झाला. त्याला उपचारासाठी कराचीला नेण्यात येत होते. त्याचा मृतदेह पुन्हा ग्रामीण भागात नेण्यात आला. हकिमुल्लाला औरक्झाई भागात त्याच्या सासर्‍यांच्या गावी दफन करण्यात आल्याचे समजते.