मुंबई

ऑस्ट्रेलियात भारतीयांना होत असलेल्‍या मारहाणीनंतरही जर आपण त्‍यांच्‍याशी क्रिकेट खेळू लागलो तर हा आपला दुबळेपणाच म्‍हणावा लागेल. असे सांगतानाच कांगारूंना आयपीएलमध्‍ये भारतात खेळू न देण्याच्या भूमिकेवर आपण ठाम असल्‍याचा पुनरूच्‍चार शिवसेनाप्रमुख बाळासाहेब ठाकरे यांनी केला आहे. मी थकलो असलो तरीही अद्याप रिटायर झालो नसल्‍याचेही त्यांनी स्‍पष्‍ट केले.

रंगशारदा सभागृहात आयोजित एका कार्यक्रमात शिवसेनाप्रमुख म्हणाले, की 'माय नेम इज खान' या चित्रपटाला ला आमचा विरोध नव्हता तर शाहरूखच्या पाक प्रेमाला विरोध असल्‍यानेच शिवसैनिकांनी हे आंदोलन केले. ऑस्‍ट्रेलियात भारतीयांवर अन्‍याय होत असताना आपण त्यांना भारतात बोलावून त्यांच्‍याशी क्रिकेट खेळणार असू तर आपल्‍या सारखे करंटे आणि बुळचट कोण असा सवाल करतानाच कांगारूंना मुंबईत आयपीएल खेळू देणार नाही या आपल्‍या भूमिकेवर आपण ठाम असल्‍याचे त्यांनी स्‍पष्‍ट केले.

काही दिवसांपूर्वी कृषीमंत्री शरद पवार यांनी या प्रकरणी बाळासाहेबांची भेट घेतल्‍यानंतरही शिवसेनेने भूमिका न बदलल्‍याने राज्‍य सरकारसमोर पुन्‍हा नवीन प्रश्‍न उपस्थित उभे राहण्‍याची शक्यता आहे.