मतदानास गैरहजेरीबद्दल ममतांचा सोनियांकडे खुलासा
Posted on Wednesday, March 10, 2010 by maaybhumi desk
महिला आरक्षण विधेयकाच्‍या मंजुरीसाठी राज्‍यसभेत मंगळवारी घेण्‍यात आलेल्‍या मतदानाच्‍या वेळी गैरहजर राहिल्‍याबद्दल तृणमूल कॉंग्रेस सुप्रिमो व रेल्‍वे मंत्री ममता बॅनर्जी यांनी संपुआ अध्‍यक्षा सोनिया गांधी यांची बुधवारी रात्री भेट घेऊन त्‍यांच्‍याकडे आपल्‍या पक्षाची भूमिका स्‍पष्‍ट केली.
ममता बॅनर्जी आणि त्‍यांच्‍या पक्षाचे ज्‍येष्‍ठ नेते आणि केंद्रीय आरोग्य राज्‍य मंत्री दिनेश त्रिवेदी यांनी सोनिया गांधी यांच्‍याशी त्‍यांच्‍या निवासस्‍थानी सुमारे 45 मिनिटे चर्चा केली.
विधेयक व्‍हावे यासाठी ममता अधिक उत्सुक असताना विधेयका संदर्भातील मतदानाच्‍या वेळी तृणमूल नेते अनुपस्थित राहिल्‍याबद्दल सोनिया गांधी यांनी मंगळवारी आश्‍चर्य व्‍यक्त केले होते. त्‍या पार्श्‍वभूमीवर ही भेट महत्‍वाची समजली जात आहे.
या संदर्भात तृणमूल कॉंग्रेसचे लोकसभेतील प्रतोद सुदीप बंदोपाध्‍याय यांनी दिलेल्‍या माहितीनुसार ममता यांनी सोनियांसमोर पक्षाची भूमिका स्‍पष्‍ट केली, की विधेयकात अल्‍पसंख्‍य समुदायाच्‍या भावनांचाही विचार होणे आवश्‍यक असून विधेयक लोकसभेत सादर करण्‍या पूर्वी सरकारने काय तयारी केली आहे. याबाबत काहीही स्‍पष्‍टीकरण दिलेले नाही.
Subscribe to:
Post Comments (Atom)
No Response to "मतदानास गैरहजेरीबद्दल ममतांचा सोनियांकडे खुलासा"
Post a Comment