मुंबई

'मुंबई सर्वांचीच' या विधानात आता ज्येष्ठ गायिका आशा भोसले यांनीही सूर मिसळला आहे, तोही महाराष्ट्र नवनिर्माण सेनेचे अध्यक्ष राज ठाकरे यांच्या उपस्थितीतच.

एका टिव्ही चॅनेलच्या वतीने आशाताईंचा सत्कार करण्यात आला. त्यावेळी राज ठाकरे हेही उपस्थित होते. ही संधी साधून आशाताईंनी मुंबई आणि मराठी माणूस या वादासंदर्भात आपले मत व्यक्त केले.

मुंबई ही कष्टकर्‍यांची आहे. दिवस नि रात्र कोणतीही पर्वा न करता काम करतात त्यांची आहे, असे सांगून मराठी माणसांनीही अशाच प्रकारे कठोर परिश्रम केले पाहिजेत, असा सल्लाही त्यांनी दिला. मीही अतिशय कष्ट केले, म्हणूनच आज मी आज हे स्थान प्राप्त करू शकले, आता तिथून मला हलविणे कुणालाही शक्य होणार नाही, हे उदाहरणही त्यांनी आपल्या मराठी बांधवांना दिले.

'अनेक भाषांत गाणी गायल्याने मीही संपूर्ण भारताची आहे असे सांगून, 'मात्र, मराठी असल्याचा मला अभिमान आहे, हे सांगायलाही त्या विसरल्या नाहीत.