'सारेगमप'मध्ये सोमवारी महाराष्ट्र दिन विशेष
Posted on Sunday, May 02, 2010 by maaybhumi desk
महाराष्ट्राच्या पांरपरिक संगीत पंरपरेतील अभंग, भारुड, वासुदेव, शाहिरी काव्य, पोवाडा, कोळीगीत, नाटयगीत, अंगाईगीत, ठसकेबाज लावणी अशा वैविध्यपूर्ण गीतप्रकारांचे समृध्द दालन आयडिया सारेगमप'च्या मंचावर महाराष्ट्र दिनानिमित्त पुन्हा एकदा उलगडून दाखवण्यात येणार आहे. महाराष्ट्राच्या या सांगितिक परंपरेचे विविध टप्पे सादर अत्यंत बहारदार रिंत्या सादर करण्यात आले आहेत. तरुणांचा लाडका मंगेश बोरगावकर याने सादर केलेला वासुदेव 'उजळून आलं आभाळ रामाच्या पारी', महाराष्ट्राचा लाडका 'माऊली' ज्ञानेश्वर मेश्राम याने स्वतः संगीतबध्द केलेला 'कांदा मुळा भाजी' हा संत सावतामाळी यांचा अभंग, अनिकेत सराफने 'या या शेजारणीनं' हे भारुड, सायली ओकने पेश केलेली 'नका तोडू पावनं जरा थांबा' ही लावणी, आनंदी जोशीने गायलेले मंगळागौर गीत, विजय गटलेवारचं 'ऐका सत्यनारायणाची कथा', संहिताच्या आवाजातील 'एकवीरा आई तू डोंगरावरी' हे जोशपूर्ण कोळीगीत, अपूर्वा गज्जलाच्या आवाजातील 'निंबोणीच्या झाडाखाली चंद्र झोपला गं बाई' ही हळूवार अंगाई, अनिरुध्द जोशीने पेश केलेले 'शूरा मी वंदिले' हे नाटयगीत राहूल सक्सेनाच्या आवाजातील 'सुंदरा मनामध्ये भरली' हे गीत अशा वैविध्यपूर्ण पांरपरिक महाराष्ट्र गीतांची बहार आयडिया सारेगमप'च्या मैफलीत अनुभवायला मिळणार आहे.
लोकशाहिर विठ्ठल उमप यांनी महाराष्ट्राच्या सुवर्ण महोत्सवासाठी खास लिहिलेला महाराष्ट्रावरचा पोवाडा सादर करुन या सदाबहार मैफलीला चार चॉंद लावले. लोकशाहिरांची ही विशेष भेट आयडिया सारेगमपच्या
श्रोत्यांसाठी खास पर्वणी ठरणार आहे. ही रंगतदार मैफल येत्या सोमवारी रात्री साडे नऊ वाजता झी मराठीवर
रसिकांना अनुभवता येईल.
Subscribe to:
Post Comments (Atom)
No Response to "'सारेगमप'मध्ये सोमवारी महाराष्ट्र दिन विशेष"
Post a Comment