अनेक होत्या (गज़ल)

Posted on Saturday, May 22, 2010 by maaybhumi desk

आठवणींचा तुझ्या नव्हता कुठेच तोटा
हृदयास जाळणा-या ज्वाळा अनेक होत्या (१)

सांभाळू कसा ’मी’ समाधीस माझ्या
पडद्यावर नाचणा-या मेनका अनेक होत्या (२)

आयुष्य संपवावे वाटले परंतु
जगण्यास लावणा-या इच्छा अनेक होत्या (३)

बहकणा-या यौवनात साधाच राहिलो ’मी’
नादास लावणा-या वासना अनेक होत्या (४)

लपवू कसे लावण्यांस माझ्या, रस्त्यांवर
वखवखणा-या नजरा अनेक होत्या (५)

कसे कळेना श्वापदांनी साधला डाव
वस्तीत गस्तीच्या चौक्या अनेक होत्या (६)

-सौरभ सुधीर परांजपे (ठाणे)

toolbar powered by Conduit