मुंबई

राष्ट्रवादीचा गड समजल्‍या जात असलेल्या नवी मुंबई महापालिकेतील महापौरपदाच्‍या लढतीत नाईक घराण्‍याने बाजी मारली असून राष्‍ट्रवादीचे सागर नाईक हे महापौरपदी विजयी झाले आहेत. शिवसेना आणि राष्‍ट्रवादीत या पदासाठी चुरस होती. तर कॉंग्रेसने तटस्‍थतेची भूमिका घेतली आहे.

महापौरपदाच्या निवडणुकीत सागर यांच्या पारड्यात 57 तर त्यांचे प्रतिस्पर्धी शिवसेनेचे जगदीश गवते यांना 17 मते मिळाली. तर उपमहापौरपदासाठी भरत नखाते यांची निवड झाली. त्यांनाही 57 मते मिळाली तर त्यांचे प्रतिस्पर्धी शिवसेनेच्या सतीश रमाणे यांनाही 17 मते मिळाली आहेत.