ईश्वर हा सर्वव्यापी आहे आणि तो सर्व प्राणीमात्रांच्या ठिकाणी वास करतो अशी समानतेची शिकवण देणारे आधुनिक संत शिर्डीचे साईबाबा. साईबाबांच्या वास्तव्यामुळे अहमदनगर जिल्ह्यातल्या या छोट्याशा गावाला जागतिक ओळख दिली. 
गणेशभक्तांची आवडती 'सुखकर्ता दुखहर्ता वार्ता विघ्नाची' ही आरती समर्थ रामदासांना जेथे सूचली ते म्हणजे मोरगावचा मोरेश्वर मंदिर येथे. अष्टविनायकातले प्रथम आणि प्रमुख देवस्थान म्हणून या मंदिराला ओळखले जाते. पुणे सोडल्यानंतर बारामती तालुक्यात मोरगाव ६४ कि.मी. अंतरावर आहे. भूस्वानंदभूवन या नावाने देखील या गावाची वेगळी ओळख आहे. हे गाव मोराच्या आकाराचे आणि भरपूर मोर असणारे म्हणून मोरगाव या नावाने ओळखले जाऊ लागले. रेल्वे आणि बसची सुविधा असल्याने मोरेश्वराच्या दर्शनाला सहज जाता येते. 
 |
| photo by: wikipedia |
पंढरपूर! फक्त महाराष्ट्राचेच लाडके कुलदैवत आहे असे नव्हे तर लगतच्या कर्नाटकालाही या सावळ्या विठ्ठलाने आपलेसे केले आहे. पंढरपूर महाराष्ट्राचे कुलदैवत. `माझे माहेर पंढरी` ही महाराष्ट्राच्या प्रत्येकाची भावना. पंढरपूर आहे सोलापूर जिल्ह्यामध्ये. याठिकाणी जाण्यासाठी बस आणि रेल्वेची सुविधा आहे.
कृष्णेचे भव्य पात्र, बाजूला आखीव रेखीव घाट आणि तशीच मंदिरही. आणि या सार्या चित्रमय परिसराला अधिकच चित्रमय बनवणारे टुमदार गाव ! असे सगळे बघायला मिळते ते नरसोबाच्या वाडीला. 
दु, शिख आणि महानुभाव पंथीयांच्या दृष्टीने महत्त्वाचे ठिकाण. शिखांच्या पवित्र तख्तांपैकी एक येथे आहे. नांदेड शहराला शिखांच्या पहिले गुरू नानक आणि दहाव्या गुरू गोविंद सिंग यांचा संदर्भ असल्यामुळे शिख बांधव नांदेडचा गुरुद्वारा विशेष मानतात. 
