या मातीत जन्‍मल्‍याचा मला अभिमान- सचिन

पुणे


मास्टर ब्लास्टर सचिन तेंडुलकरने 'मुंबई सर्वांचीच' या आपल्या विधानाचे 'प्रायश्चित्त' घेताना 'महाराष्ट्राच्या मातीत दम आहे', असे सांगून आपला महाराष्ट्राभिमान सार्वजनिकरित्या प्रकट केला आहे. राज ठाकरे यांच्या महाराष्ट्र नवनिर्माण सेनेने महाराष्ट्राच्या सुवर्ण महोत्सवाप्रसंगी मराठीत मातीची मान उंचावणार्‍या मान्यवरांचा सत्कार केला. त्यावेळी ही संधी साधून सचिनने 'सिक्सर' मारला आहे.

विधानपरिषदेच्या १० जागांसाठी १० जूनला मतदान

मुंबई

महाराष्ट्र विधान परिषदेची द्विवार्षिक निवडणूक गुरुवार दि. १० जून २०१० रोजी होणार असून विधान परिषदेच्या दहा रिक्त जागांसाठी ११ उमेदवार निवडणूक लढविणार आहेत. या निवडणुकीत विधानसभेचे २८८ सदस्य मतदान करणार आहेत, अशी माहिती महाराष्ट्र विधान मंडळाचे प्रधान सचिव आणि निवडणूक निर्णय अधिकारी अनंत कळसे यांनी गुरूवारी दिली.

महाराष्ट्र विधान परिषदेच्या द्विवार्षिक निवडणुकीविषयी माहिती देण्यासाठी मुंबईत विधानभवनात आयोजित पत्रकार परिषदेत ते बोलत होते. यावेळी सहाय्यक निवडणूक अधिकारी सुभाषचंद्र मयेकर उपस्थित होते. श्री.कळसे पुढे म्हणाले की, गुरुवारी (१० जून) सकाळी ९ ते दुपारी ४ या वेळेत मतदान होणार असून मतदानानंतर संध्याकाळी पाच वाजता मतमोजणीला सुरुवात होईल.

डॉ. मंदाकिनी आमटे 'वूमन ऑफ द ईयर'

मुंबई

मुख्यमंत्री अशोक चव्हाण यांच्या हस्ते डॉ.मंदाकिनी आमटे यांना आयएमसी लेडिज विंग 'वूमन ऑफ द ईयर' पुरस्कार गुरूवारी प्रदान करण्यात आला. इंडियन मर्चंटस् चेंबरच्या चर्चगेट येथील सभागृहात हा कार्यक्रम झाला.

डॉ.मंदाकिनी आमटे यांचे कार्य अतुलनीय आहे. त्यांनी गडचिरोली सारख्या दुर्गम आणि मागास भागात आरोग्य सेवेचे केलेले कार्य सर्वांनाच प्रेरणा देणारे आहे, असे गौरवोद्गार मुख्यमंत्र्यांनी यावेळी काढले. यावेळी बँकिंग आणि आर्थिक सेवेत उल्लेखनीय कार्य केल्याबद्दल रेणू कर्नाड यांना जाहीर झालेला पुरस्कार अंजली तारापोर यांनी मुख्यमंत्र्यांच्या हस्ते स्वीकारला.

शिवराज्याभिषेक सोहळयास केंद्राची मंजुरी

मुंबई

रायगडावरील शिवराज्याभिषेक सोहळ्याला पंतप्रधान कार्यालयातून परवानगी देण्यात आली असल्याची महत्त्वपूर्ण घोषणा, मुख्यमंत्री अशोक चव्हाण यांनी आज येथे केली. त्यामुळे शिवराज्याभिषेकावरून सुरू झालेला वाद संपुष्टात आला असून, मुख्यमंत्र्यांच्या उपस्थितीतच येत्या सहा जून रोजी हा सोहळा पार पडणार आहे.

बारावीचा निकाल 72.17 टक्के

मुंबई

महाराष्‍ट्र राज्‍य उच्‍च माध्‍यमिक बोर्डाचा 12 वीचा निकाल जाहीर झाला असून यंदा राज्‍याचा एकूण निकाल 72.17 टक्के लागला आहे. राज्यात सर्वाधिक निकाल नाशिक बोर्डाचा 79.08 टक्के लागला असून सर्वांत कमी लातूरचा म्हणजेच 44.81 इतका आहे.

विभागवार निकालामध्ये कोल्हापूर 77.74, अमरावती 77.43, पुणे 77.20, औरंगाबाद 72.05, मुंबई 70.81, नागपूर 69.94 टक्के निकाल लागला आहे.

बारावीची गुणपत्रिका यंदा बेबसाईटवर

मुंबई

राज्य माध्यमिक व उच्च माध्यमिक शिक्षण मंडळातर्फे घेण्‍यात आलेल्‍या बारावीच्या परीक्षेचा निकाल पुढील आठवड्यात जाहीर होण्‍याची शक्यता असून या वर्षापासून बारावीच्या गुणपत्रिका वेबसाईटवरच पहायला मिळणार असल्याची घोषणा शिक्षणमंत्री बाळासाहेब थोरात यांनी आज केली.

मे महिन्याच्या शेवटच्या आठवड्यात निकाल लागणार असून, निकालाच्या दिवशी सकाळी नऊ वाजल्यापासूनच गुणपत्रिका मिळणार आहेत. बोर्डाच्‍या www.mah.nic.in/msec या संकेतस्थळावर विद्यार्थ्यांना त्यांच्या गुणपत्रिका पाहता येणार आहेत.

आता एसटीची ई-तिकीट सेवा

मुंबई

महाराष्‍ट्र राज्‍य परिवहन महामंडळातर्फे आता एसटी प्रवाशांसाठी ई-तिकीटची सुविधा उपलब्‍ध करून देण्‍यात आली असून मुख्यमंत्री अशोक चव्हाण यांच्‍या हस्‍ते दादर ते पुणे वातानुकूलित शिवनेरी गाडीचे ई-तिकीट आरक्षण करून या सेवेचे सह्याद्री अतिथिगृहात उदघाटन करण्‍यात आले.

एसटीने सुरू केलेल्या या नव्या सेवेमुळे विमान व रेल्‍वेच्‍या तिकिटाप्रमाणे आता एसटीच्या प्रवाशांनाही घरबसल्या किंवा एजंटच्या कार्यालयात जाऊन ई-तिकीट आरक्षित करता येणार आहे.

अनेक नेत्यांना 'राजयोग' गमवावा लागणार

मुंबई

महाराष्ट्र शासनातर्फे राबविण्‍यात येत असलेल्‍या म्हाडा योजनेत आजी-माजी 231 आमदारांना फ्लॅट वाटप झाल्‍याच्‍या घटनेमुळे नवीन वाद निर्माण झाले असून मुख्यमंत्री अशोक चव्हाण यांनी या संदर्भात चौकशीचे आदेश दिले आहे. या सदनिकेचे वाप तुर्तास स्‍थगित करण्‍यात आले असून सर्व लोकप्रतिनिधींनी सादर केलेल्‍या शपथ पत्रांची पडताळणी केली जात आहे. त्‍यामुळे अनेकांना या 'राजयोग' संकुलात मिळणारे घर गमवावे लागणार आहे.

किशोर कुलकर्णी यांना संगणक सारथी पुरस्‍कार

पुणे

सारथी या सामाजिक संस्थेतर्फे दिला जाणारा 'संगणक सारथी' हा पुरस्‍कार लोकमतच्‍या इंटरनेट आवृत्तीचे संपादक किशोर कुलकर्णी यांना जाहीर झाला आहे. माहिती आणि तंत्रज्ञान क्षेत्रात भरीव कामगिरी करणा-या पुण्‍यातील व्‍यक्तींना हा पुरस्‍कार दिला जातो. यंदा पुरस्‍काराचे हे सातवे वर्ष आहे.

कसाबला वर्षभरात फाशी

नवी दिल्ली

मुंबईतील 26/11 च्‍या हल्‍ल्‍यात फाशीची शिक्षा सुनावण्‍यात आलेल्‍या अजमल आमीर कसाबला वर्षा अखेरीपर्यंत फासावर लटकावले जाणार असल्‍याचे संकेत केंद्रीय गृह सचिव जी. के. पिल्लई यांनी दिले आहेत.

पिल्‍लई यांनी याबाबत सांगितले, की अद्याप कसाबच्‍या वकीलांनी विशेष न्‍यायालयाच्‍या निर्णयाविरोधात उच्‍च न्‍यायालयात याचिका दाखल केलेली नाही. जर ती केली गेली नाही तर कसाबला लवकरच फासावर लटकवले जाऊ शकते.

पुणे स्‍फोटात इंडियन मुजाहिद्दीनचा हात

पुणे

पुण्‍यातील जर्मन बेकरीमध्‍ये 13 फेब्रुवारी रोजी झालेल्‍या बॉम्बस्फोट प्रकरणी एटीएसला मोठे यश हाती लागले असून हल्‍ल्‍याच्‍या दुस-याच दिवशी इंडियन मुजाहिद्दीनचा दहशतवादी रियाज भटकल याच्‍या संभाषणाची प्रत हाती लावण्‍यात तपास यंत्रणांना यश आले आहे. यामुळे तपासास दिशा मिळणार आहे.

राष्‍ट्रवादीने नवी मुंबईचा गड राखला

मुंबई

राष्ट्रवादीचा गड समजल्‍या जात असलेल्या नवी मुंबई महापालिकेतील महापौरपदाच्‍या लढतीत नाईक घराण्‍याने बाजी मारली असून राष्‍ट्रवादीचे सागर नाईक हे महापौरपदी विजयी झाले आहेत. शिवसेना आणि राष्‍ट्रवादीत या पदासाठी चुरस होती. तर कॉंग्रेसने तटस्‍थतेची भूमिका घेतली आहे.

नागपूरमध्‍ये स्‍फोटकांचा साठा जप्‍त

नागपूर

नागपूर रेल्वे स्टेशनवर रेल्‍वे पोलिसांनी राबविलेल्‍या तपासणी मोहीमे दरम्यान एका व्‍यक्तीकडे 70 डिटोनेटर्स आणि 81 जिलेटीनच्‍या कांड्या आढळून आल्‍या असून या प्रकरणी एका जणास अटक करण्‍यात आली आहे. नक्षलवादी कारवायांच्‍या पार्श्‍वभूमीवर ही तपासणी करण्‍यात आली.

संप मिटवा, अन्‍यथा परिणामांना तयार रहा- राज

मुंबई

पगारवाढीच्‍या मागणीसाठी मोटरमन्सनी आंदोलन सुरू केले असले तरीही त्यामुळे लाखो मुंबईकरांना अडचणींचा सामना करावा लागत आहे. ही अडचण लक्षात घेऊन मोटरमन संघटनांनी त्वरित आंदोलन बंद न केल्‍यास महाराष्‍ट्र नवनिर्माण सेना सायंकाळपासून मोटरमन विरोधात आंदोलनात उतरेल आणि मनसेचे आंदोलन कसे असते हे तुमही चांगलेच समजून आहात असा स्‍पष्‍ट इशारा राज ठाकरे यांनी मोटरमन्सला दिला आहे.

'सारेगमप'मध्ये सोमवारी महाराष्ट्र दिन विशेष

महाराष्ट्र राज्याच्या स्थापनेची पन्नास वर्षे सर्वत्र दणक्यात साजरी होत असताना झी मराठीवरील लोकप्रिय 'आयडिया सारेगमप' हा कार्यक्रमही राज्याच्या सुवर्ण महोत्सवानिमित्त महाराष्ट्राच्या पारंपरिक गीतांचा खास नजराणा पेश करणार आहे. सुवर्ण महोत्सवी महाराष्ट्र दिनानिमित्तचा हा विशेष भाग सोमवार, दि.3 मे रोजी झी मराठीवर प्रक्षेपित होईल.

नुसते फुले वाहून इतिहास कळत नाही- बाळासाहेब

मुंबई


'हुतात्मा स्मारकावर पुष्पचक्र वाहून महाराष्ट्र कळत नाही, त्यासाठी संयुक्त महाराष्ट्राच्या या दालनात यावे लागेल असे सांगत शिवसेनाप्रमुख बाळासाहेब ठाकरेंनी राज ठाकरेंना टोला लगावला आहे.


मुंबई महापालिकेने शिवाजी पार्क येथे संयुक्त महाराष्ट्राच्या लढ्याचे दालन उभारले आहे. शिवसेनेचे कार्याध्यक्ष उद्धव ठाकरे यांची त्यात महत्त्वाची भूमिका आहे. त्यांचे कौतुक करून बाळासाहेबांनी रेव्ह पार्टीत अडकलेल्या आजच्या पिढीला हा इतिहास कळला पाहिजे अशी गरज व्यक्त केली.

महाराष्‍ट्र दिन

-ज्योतिर्भास्कर जयंत साळगावकर

महाराष्ट्र राज्य म्हणजे मराठी भाषेचे राज्य. हे राज्य व्हावे ही इथल्या जनतादनार्दनाची फार वर्षांपासून इच्छा होती. देशाला स्वातंत्र्य मिळण्याच्या आधीच भाषावर प्रांतरचनेचे महत्त्व महात्मा गांधींपासून सर्वांनी आग्रहाने
प्रतिपादित केले होते. पुढे राज्य पुनर्रचनेचे महत्त्व महात्मा गांधींपासून सर्वांनी आग्रहाने प्रतिपादित केले होते. पुढे राज्य पुनर्रचनेतून निर्माण झालेल्या असंतोषात महाराष्ट्राचे एकशे पाच हुतात्मे बळी पडले. नकाशा पुढे पाहता भारताचा, महाराष्ट्र आधी भरे लोचनी अशी महाराष्ट्राची महती कवी यशवंतांनी गायिली आहे. तर महाराष्ट्र मेला तरी राष्ट्र मेलें, मराठ्याविना राष्ट्रगाडा न चाले, अशी अभिमानाची ग्वाही सेनापती बापटांनी दिली आहे.

राज्य मराठी चित्रपट पुरस्कार सोहळा उत्‍साहात

मुंबई

महाराष्ट्र शासनाच्या वतीने आयोजित सत्तेचाळीसाव्या मराठी चित्रपट पुरस्कार प्रदान सोहळ्याचे शानदार उद्घाटन मुख्यमंत्री अशोक चव्हाण यांच्या हस्ते बुधवारी सायंकाळी मुंबईतील ऐतिहासिक गेट वे ऑफ इंडिया येथे झाले.

उपमुख्यमंत्री छगन भुजबळ, ग्रामविकास मंत्री जयंत पाटील, वनमंत्री पतंगराव कदम, पाणीपुरवठा व स्वच्छता मंत्री लक्ष्मण ढोबळे, विधान परिषदेचे उपसभापती वसंत डावखरे, सांस्कृतिक कार्य राज्यमंत्री श्रीमती फौजिया खान, आमदार श्रीमती ऍनी शेखर, आमदार माणिकराव ठाकरे, तसेच चित्रपट आणि सांस्कृतिक क्षेत्रातील अनेक मान्यवर यावेळी उपस्थित होते.

संयुक्त महाराष्ट्र चळवळ

मुंबई महाराष्ट्रात आली ती केवळ संयुक्त महाराष्ट्र समितीच्या रेट्यामुळे. अन्यथा गुजरातने किंवा केंद्रानेच ती गट्टम केली असती. आज मुंबई कॉस्मोपॉलिटिन आहे, ती कुण्या एका भाषिकांची नाही, असे उच्चरवाने इतर भाषिकांकडून सांगितले जात असले तरी ही मुंबई मिळविण्यासाठी १०५ मराठी हुतात्म्यांचे रक्त सांडले आहे, ही बाब विसरता येणार नाही. संयुक्त महाराष्ट्र स्थापनेचा सारा इतिहास अंगावर रोमांच आणणारा आहे, तो वाचला की मुंबईसाठी मराठी माणसाने काय मोजले आहे, ते कळते.

ठाणेः लिबर्टी ऑईल मिलला भीषण आग

मुंबई

ठाण्‍याजवळील शहापूर भागातील लिबर्टी ऑईल मिलला भीषण आग लागली असून आगीलच्‍या घटनेला 9 ते 10 तास उलटल्‍यानंतरही त्यावर नियंत्रण मिळविणे अग्निशमन दलाला शक्य झालेले नाही. आग सकाळी सहा वाजेपासून लागली असून त्यावर नियंत्रणासाठी परिसरातील घरे रिकामी करण्‍यात आली आहेत.