दहशतवादी सलमान म्हणे कायद्याने अज्ञान!
Posted on Monday, March 15, 2010 by maaybhumi desk
दिल्‍लीत 2008 मध्‍ये झालेल्‍या साखळी बॉम्ब स्‍फोटात अनेकांच्‍या मृत्युला कारणीभूत ठरलेला आणि कोट्यवधी रुपयांचे बनावट चलन भारतात आणल्‍याचा आरोप असलेला इंडियन मुजाहिदीनचा दहशतवादी सलमान उर्फ छोटू कायद्याने अज्ञान असल्‍याने त्याच्‍या विरोधात जुवेनाइल कायदा 1986 नुसार कारवाई केली जावी अशी मागणी जामिया टीचर्स सोलिडेटरी असोसिएशनकडून करण्‍यात आली आहे.
असोसिएशनने दावा केला आहे, की सलमान कायद्याने अज्ञान असताना दिल्ली पोलिसांनी तो 21 वर्षाचा असल्‍याचे सांगणे चुकीचे आहे.
आपला दावा खरा असल्‍याचे सिध्‍द करण्‍यासाठी असोसिएशनने उत्तर प्रदेश माध्यमिक शिक्षण विभागाकडून देण्‍यात आलेली त्याची दहावीची गुणपत्रिका सादर केली असून त्यात त्याची जन्‍म तारीख 3 ऑक्टोबर 1992 असल्‍याची नोंद आहे.
असोसिएशनच्‍या सदस्या आणि जामिया मिलिया इस्लामिया विद्यापीठाच्‍या शिक्षिका मनीषा सेठी यांनी जुवेनाइल जस्टिस कायद्याचे विशेष आयुक्त हर्ष मंदर यांच्‍यासमोर आपले म्हणणे मांडले असून सलमानची बाल सुधारगृहात रवानगी करावी अशी मागणी केली आहे.
Subscribe to:
Post Comments (Atom)
No Response to "दहशतवादी सलमान म्हणे कायद्याने अज्ञान!"
Post a Comment