पुणे

दिल्ली मेट्रो ट्रेन कॉर्पोरेशनने पुणे मेट्रो रेल कॉर्पोरेशन स्थापन करण्या संदर्भात सादर केलेला प्रस्ताव पुणे महापालिकेने मान्‍य केला असून मेट्रोला मंजुरी दिल्‍याने पुढील तीन-चार वर्षांत पुण्‍यातही मेट्रो रेल्‍वे धावणार आहे.

पुणे महापालिकेने हा प्रस्ताव मंजूर करतानाच सुमारे 32 कि.मी. चा निगडी-कात्रज मार्गही आपल्‍या टप्‍प्‍यात यावा यासाठी आता केंद्र आणि राज्य सरकारला विनंती करण्‍याचा निर्णय घेतला आहे. सहा हजार कोटींच्या या प्रकल्‍पासाठी बांध, वापरा व हस्‍तांतरीत करा (बीओटी) तत्वावर निविदा मागविण्यात येणार असून प्रकल्‍पासाठी प्रत्येकी 20 टक्के निधी केंद्र व राज्य सरकारकडून तर उर्वरित 60 टक्के निधी खाजगी क्षेत्रातून उभारण्‍याचा प्रस्ताव आहे.