नवी दिल्ली

चलनी नोटांची माळा बनविणे किंवा त्‍याचा सजावटीसाठी वापर करणे यावर निर्बंध घालण्‍यासाठी कायद्यात कुठलीही तरतुद नसल्‍याची माहिती अर्थ राज्यमंत्री नमो नारायण मीना यांनी शुक्रवारी लोकसभेत एका लिखित उत्तरात दिली.

मीना यांनी रिजर्व बँकेच्‍या नियमांचा आधार घेत ही माहिती दिली असून चलनी नोटांचा दुरूपयोग होऊ नये यासाठी बँकिंग कायद्यात कुठलीही तरतुद नसल्‍याचे म्हटले आहे.

असे असले तरीही रिजर्व बँकेने अशा प्रकारे नोटांचा हार बनवण्‍यासाठी, सजावटीसाठी किंवा पूजास्‍थळी व विषेश व्‍यक्तींवर उधळण्‍यासाठी वापर केला जाऊ नये असे आवाहन केले आहे.